I couldnae believe it

He aised they verra words

University…? wheesht!

That’s no fur the likes o us

So I ne’er did become

an engineer… insteid

I made a career oot

o no hae’n a proper job

An awfu waste, fowk say

tae me ahint ma back

Think whit he might hae been

Aa that potential… squandert

But in’t it funny hoo

yer faither’s words can stick

thr’oot yer life: Potential…?

That’s no fur the likes o us