Mary's Sang

Home
A Mither
Full Moon on a Cloudy Night
Forward Looking
Greeting My Grandfather
At the Eleventh Hour
Mary's Sang
The Funeral
Pyatknowe
My Faither's Words
Fallen Angel
Newbigging Road
Quean for a Day
The Booncin Baa
A Winter Dawn
Men at Work
The Milestane
Biggar Kirk
Brownsbank Cottage
Nuala's Art
Writer-in-Residence
Tweed at Peebles
On Biggar Pond
Elegy
Fowre Haiku oan the Beach
Yr Wyddfa
Thelma Cann
Old Acquaintance
Philip Pullman
The Dooble Rainbae
Ten Haiku from Whitecastle Hill
Tanka
Medwyn Below Greenshields
Sclimbin the Knock
Gled
Whaup Eggs
Socrates
Wha made this road?
Snow

Wheeshity wheesht, ma bairnie,

The naisty men’s awaa.

Yer faither’s taen em bae the breeks

An cast em oot intil the snaa.

 

Here… sook upoan ma fing’r

While A hap ma mantle roon.

Yer veesiturs hae aa gaen hame,

There’s scarce a steir o soon.

 

The hirds are back upoan their hill,

The angels’ trumpets stowed,

The keengs hae sclimbt their camels

An til the east hae rowed.

 

There’s juist the beists wi steamin braith

Chow-chowin oan the bales,

An you an I in the cruisie licht

Wi this meenit tae oorsels.

 

An we maun mak the maist o it,

The only time we’ll huv,

Afore ye stert yer meenistry

O universal luv.

 

For sune ye’ll be the Christ-child,

An yer life thrang wi fowk,

Then God will tak ye frae me

An yirk ye tae He’s yowk.

 

Sae let’s hae oor praecious meenit

While I haud ye in ma airm,

Juist you an I thegither, son,

A mither an her bairn.

dsls1a.gif