The wee fella wis comical

chasin the baa

as it stoatit aa owre the playgrun.

Aa time e catched it,

an bent doon tae pick it up,

aither the win wid caa it oot o e's hauns,

or else e'd catch it wi e's fit,

an awaa it wid stoat.

Twa-three o us oan oor wey hame fae wark

            were staunin,

                        cheerin im oan…

                                    "Gaun yersel, son!"

But we laucht a deein lauch,

aa yin o us

a wee bit sair at the thocht that

we could nae langer follae

a booncin baa.